الويب سايت و الحملة التسويقية
بعد ما خلصنا مرحلة العصف الذهني والـ Brain storming بتيجي مرحلة التنفيذ بس حابين نوضحلك نقطة مهمة جدا قبل ما نتكلم في التنفيذ ….
 
اي حملة تسويقية فعالة بتحتاج لجزئين اساسين يبقوا موجودين عندك لو هتبدأ حملتك التسويقية وهم
 
- الموقع الالكتروني
- الحملة التسويقية على مواقع البحث ومنصات التواصل الاجتماعي المختلفة
 
اهمية الجزء الاول زي ما قلنا قبل كده هو ان الموقع الالكتروني بيعتبر هو مقرك على الانترنت ومعظم الحملات التسويقية بيبقى الهدف النهائي منها هو تحقيق مبيعات عشان كده دايما الويبسايت او الموقع الالكتروني بيكون شئ اساسي لاي شركة او بيزنس وده لاسباب كتيرة اهمها
 
1- زيادة ثقة العميل في شركتك او منتجك او خدمة
2- عرض جميع الخدمات والمنتجات اللي بتقدمها الى جانب تاريخ الشركة واهم المميزات وكل المعلومات اللي تعبر عن شركتك
وده طبعا بيفرق كتير جدا في قرار الشراء اللي بياخده العميل
 
اما الجزء التاني وهو الحملات التسويقية على مواقع البحث ومنصات التواصل الاجتماعي فاهميتها نقدر نلخصها في ان الهدف هو بناء صورة جيدة عن شركتك او البيزنس بتاعك في عقل العميل الى جانب بناء علاقة بينك وبين العميل عن طريق تقديم محتوى يخلي العميل يتفاعل معاك واهمية الجزء ده بتتلخص في ان كل ما العميل عرفك اكتر وتفاعل معاك اكتر كل ما زاد عنده احساس الثقه في شركتك او منتجك وبقيت الاختيار الاول بالنسباله لما يحب يشتري المنتج او الخدمة اللي بتقدمها
 
ده غير طبعا نسبة التحويل من المشاهدات لزيارة الموقع والاتصال والتواصل بشركتك او بالبيزنس بتاعك
 
طيب هل لو فيه جزء من الجزئين الاساسين دول ناقص الحملة هتفشل ؟
لا طبعا …. لو الحملة او جزء منها مصمم بعناية وتم تنفيذه بجودة عالية واحترافية نقدر نقولك انك اكيد هتحقق نتايج بس عشان تحقق اقصى نتايج ممكنة من حملتك التسويقية يبقى لازم يكون الجزئين دول موجودين عندك
 
لحد هنا المقال ده خلص بس رحلتك معانا في الشركة لسه ما خلصتش …. تابع المقالات اللي جاية عشان هنتكلم اكتر عن مراحل تصميم وتنفيذ حملتك التسويقية سواء في جزء تصميم وتطوير موقعك الالكتروني او تصميم وتنفيذ حملتك التسويقية على منصات التواصل الاجتماعي ومواقع البحث المختلفة