ازاى بنحضر للويب سايت
بعد ما عرفنا شوية عن انواع المواقع الالكترونية الاكثر طلبا واستخداما والاشهر … تعالا ندخل على المحطة اللي بعديها في رحلتنا
 
في المقال ده هنتكلم على مراحل التحضير لموقعك الالكتروني ودي المحطة اللي بتسبق مرحلة التنفيذ على طول
 
وزي ما احنا عارفين ان المشروع اللي بيتحضرله كويس بتبقى فرصه في النجاح اكبر…
 
مرحلة التحضير لتنفيذ الموقع الالكتروني الخاص بيك بتنقسم ل 4 خطوات هنقولك عليهم وهنشرحلك كل نقطة بتكون عبارة عن ايه
 
1- مرحلة الاستطلاع او جمع المعلومات.
في المرحلة دي بنتكلم مع حضرتك عشان يبقى عندنا صورة كاملة عن نوع البيزنس الخاص بيك وعلى اساسه نوع الخدمات والمنتجات اللي هنعرضها وتاني حاجة هي تحديد احتياجاتك الحقيقة اللي على اساسها بنقوم بتنفيذ الموقع
 
2- مرحلة الدراسة والعصف الذهني المتخصص
وفي المرحلة دي الفريق المتخصص عندنا بيبدأ يحول المعلومات اللي جمعها منك في النقطة الاولى لمميزات او features و اقسام او sections اللي هيحتوي عليها الموقع الخاص بيك وهنا بناخد بالنا من ان كل المميزات والاقسام تبقى اقسام ومميزات اساسية ولازمة وبيتم استبعاد المميزات والاقسام اللي مش هيكون ليها اهمية كبيرة وهتسبب زيادة في السعر وخلاص
 
3- مرحلة تحديد المدة الزمنية اللازمة لتنفيذ الموقع الالكتروني او زي ما بنسميها ال duration
بناء على النقطة السابقة وبعد تحديد المميزات والاقسام، الفريق المتخصص بيبدأ يحدد فترة العمل اللازمة عشان الموقع الالكتروني بتاعنا يبقى جاهز انه يتم الاعلان عنه ويبقى متاح للعملاء زيارته
 
4- مرحلة العرض وال show case
ودي اخر نقطة في المراحل التحضيرية لتنفيذ الموقع الالكتروني وفي المرحلة دي قسم خدمة العملاء عندنا بيتواصل معاك عشان يعرض عليك النقاط السابقة كلها او بصيغة تاني انه بيبدأ يعرض عليك المميزات والاقسام الرئيسية والاساسية بتاعت الموقع الخاص بيك والمدة الزمنية اللازمة لتنفيذه وبياخد موافقة نهائية منك عشان يبدأ في التنفيذ
 
طيب بعد ما خدمة العملاء عندنا خدت من حضرتك موافقة نهائية … ايه هي بقى مراحل التنفيذ
 
هنقولك عليها في المقال اللي جاي … تابع معانا باقي الرحلة
ولو حابب تستفسر عن اي معلومة تقدر تبعتلنا واحنا هنكلمك نجاوبك على كل استفساراتك